I april i år har Kvedarforum 10 års jubileum og vender tilbake til Bø i Telemark der det heile starta.
Med eit mangfald av dialektar og språk blir det duka for seminar, gregoriansk songmesse og flerkulturell festkveld med samvær i song og leik

I 2012 har det gått eit tiår sea stiftingsmøtet under stevseminaret i Bø i 2002. Om tida flyg har Kvedarforum gjort den til flygereiskap for song, bansullar, balladetradisjonar og stev, for å nemne noko frå dei rike songtradisjonane som tidlegare batt folk i hop. Jubileet markerast på ymse vis gjennom 2012. Vi vonar mange belagar seg og kjem på dei mange spennande samlingane i året som kjem, men også at eldsjeler samlast om lokalstoff og jubilerer med song og leik for born, unge og alle aldrar.

Norsk kvedarforum vart stifta i Bø i Telemark 27.april 2002 i tilknyting til Stevseminar 26.-27.april v/ Høgskolen i Telemark, Folkeakademiet i Bø, Norsk folkemusikk og danselag. Intitiativtakar Agnes Buen Garnås i brev dagsett 28. februar 2001,utsendt til 100, tilbakemeldingar frå 50
Logoen som er laga av Hanne Borchgrevink heiter ' Å vi du stevjast…'
Illustrasjon, i Askjem, Bonnevie, Borchgrevink, Buen Garnås, Huvestad 1984: ”54 viser og stev frå Øst-Telemark” (Grøndahl og Søn Forlag)

Generasjonsmøtet om Lindeman mellom Agnes Buen Garnås, Dagne Groven Myhren, Ingvill Marit Buen Garnås, og Øyonn Groven Myhren, mødre og døtre, utgjer i Kvedarforumsamanheng ei historisk markering. Med kvedarkursa på Club 7 i Oslo og kvedarseminara i distrikta fyrst på 1970-talet sto mødrene, Agnes og Dagne, for starten på det som i dag er Kvedar-Noreg og fundamentet for Norsk Kvedarforum.